Áhugi félagsmanna á Flugfreyjufélagi Íslands. „Að fara í verkfall rétt fyrir jól var nátturulega glæpur“

Í þessari ritgerð er fjallað um Flugfreyjufélag Íslands (FFÍ) sem er stéttarfélag flugfreyja og flugþjóna á Íslandi. Leitast er við að skoða viðhorf og áhuga sem félagsmenn hafa til FFÍ og hvort stéttarvitundin hafi breyst frá árum áður. Síðustu ár hefur minnkandi áhugi verið á stéttarfélögum sem skýrist á einhvern hátt með breyttum stjórnunarstíl og breyttu ytra umhverfi skipulagsheilda. Helstu kenningar vinnumarkaðsfræðanna eru kynntar eins og einingarhyggja margræðishyggja og marxismi ásamt hugmyndafræðilegum nálgunum einstaklingshyggju og heildarhyggju. Fjallað er um hvernig íslenskur vinnumarkaður hefur einkennst af miðstýrðri heildarhyggju og hvernig nálgun margræðishyggju hefur verið ríkjandi. Markmið rannsóknarinnar er að kanna viðhorf félagsmanna til stéttarfélagsins ásamt því að kanna þátttöku og áhuga á félaginu. Við gagnaöflun var notast við eigindlega og megindlega rannsóknaraðferð. Í megindlegu rannsókninni var spurningakönnun send rafrænt til félagsmanna, sem rúmlega tvöhundruð og sextíu svöruðu. Í eigindlegu rannsókninni voru djúpviðtöl tekin við þrjár fyrrverandi flugfreyjur og eina núverandi flugfreyju sem er formaður Flugfreyjufélags Íslands. Stutt viðtal var einnig tekið við varaformann FFÍ. Þátttakendur í megindlegri og eigindlegri rannsókn voru valdir eftir markmiðs úrtaki en með því eru þátttakendur valdir eftir tilteknum hagsmunum eða viðhorfum sem geta leitt til upplýsandi niðurstaðna. Sýnt hefur verið fram á að sterk tengsl eru milli þess sem fólk segist gera og það sem það gerir í raun og má því gera ráð fyrir að að rannsóknin gefi til kynna viðhorf hópsins. Helstu niðurstöður rannsóknarinnar benda til þess að viðhorf til stéttarfélags og Flugfreyjufélags Íslands sé jákvætt. Mikill meirihluti félagsmanna vill vera í stéttarfélagi og telur hag sínum betur borgið þar. Félagsmenn telja almennt að fyrir tilstuðlan stéttarfélags séu aukin tækifæri til bættra kjara, fremur en að hver semji fyrir sig. Niðurstöður sýna heildarhyggju félagsmanna sem má m.a. sjá í að meirihluti félagsmanna er tilbúninn að fara í verkfall til að berjast fyrir bættum kjörumAðgangi lokað af höfundi til 12.7.2014. Breytt af umsjónarmanni Skemmu í 30.6.2013 skv. fyrirmælum deildar